Yevropa Ittifoqining tashqi ishlar va xavfsizlik siyosati bo‘yicha oliy vakili, Yevropa komissiyasi vitse-prezidenti bilan uchrashuv to`g`risida

27-mart kuni O‘zbekiston Respublikasi tashqi ishlar vaziri Baxtiyor Saidov Yevropa Ittifoqining tashqi ishlar va xavfsizlik siyosati bo‘yicha oliy vakili, Yevropa komissiyasi vitse-prezidenti Kaya Kallas bilan uchrashdi.

Tomonlar ikki tomonlama va mintaqaviy aloqalarni yanada kengaytirish masalalari borasida fikr yuritdilar. Mintaqalar oʻrtasidagi hamkorlik jadal surʼatlar bilan yuksalib borayotganligi, koʻplab natijalarga erishilayotganligi va istiqbolda kengroq imkoniyatlar mavjudligi taʼkidlandi.

3-4 aprel kunlari Samarqand shahrida boʻlib oʻtadigan “Markaziy Osiyo – Yevropa Ittifoqi” ilk sammiti o‘zaro xalqlar farovonligi yoʻlida samarali aloqalarni mustahkamlashi va yangi imkoniyatlarga yoʻl ochishi mumkinligiga ishonch bildirildi.